12 օգոստոսի 2014 - Մամլո հաղորդագրություններ

ՄԱԿ-ի Բնակչության հիմնադրամի,  ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ և ՀՀ սպորտի և երիտասարդության հարցերի նախարարության կողմից կազմակերպված միջոցառմանը երիտասարդները խոսեցին իրենց հաջողությունների և հանդիպած խոչընդոտների մասին 

Երևան, 12-ը օգոստոսի, 2014 թ.: Այսօր մայրաքաղաքի Անգլիական այգում ավելի քան 200 երիտասարդներ միասին նշեցին Երիտասարդության միջազգային օրը։ Տոնական միջոցառումը ներառում էր երիտասարդական ԷՔՍՊՈ, աշխատանքի տոնավաճառ ՝  ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՈՒՄ աշխատել ցանկացող երիտասարդների համար, երիտասարդական հանրային ելույթներ և համերգ՝ հանրահայտ «The Beautified Project» ռոք խմբի և DJ Beatman-ի կատարմամբ։ Միջացառումը կազմակերպել էին ՄԱԿ-ի Բնակչության հիմնադրամը և ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ՝ ՀՀ սպորտի և երիտասարդության հարցերի նախարարության աջակցությամբ:

Միջոցառման մեկնարկին ՀՀ սպորտի և երիտասարդության հարցերի նախարարի շնորհավորական ուղերձը ներկայացրեց նախարարության երիտասարդական քաղաքականության վարչության պետ Թամարա Թորոսյանը։ Իր ուղերձում նախարարը...

30 հոկտեմբերի 2013 - Մամլո հաղորդագրություններ

HQ/2013/9
30 հոկտեմբերի, 2013 թ.

Ամեն տարի աղքատ երկրների ավելի քան 7 միլիոն աղջիկներ ծննդաբերում են մինչև 18 տարեկանը՝ բացահայտում է ՄԱԲՀ նոր զեկույցը

Նրանցից 2 միլիոնը 14-ից ցածր են

ԼՈՆԴՈՆ/ՄԱԿ, Նյու Յորք, 30 հոկտեմբերի, 2013 թ.: Մանկահասակ մայրությունը ահռելի համաշխարհային խնդիր է՝ հատկապես զարգացող երկրներում, որտեղ ամեն տարի 7.3 միլիոն աղջիկ ծննդաբերում է մինչև 18 տարեկանը՝ նշվում է «Աշխարհի բնակչությունը» 2013 թ. զեկույցում, որն այսօր հրապարակել է ՄԱԲՀ-ն՝ ՄԱԿ-ի Բնակչության հիմնադրամը:

Ինչպես բացահայտում է «Մանկահասակ մայրություն. դեռահասների հղիության մարտահրավերին դեմհանդիման» ենթավերնագրված զեկույցը, այդ 7.3 միլիոն ծնունդներից 2 միլիոնը տալիս են մինչև 14 տարեկան աղջիկները, ովքեր արդյունքում տառապում են հղիության ծանրագույն առողջական և սոցիալական երկարաժամկետ հետևանքներից՝ ներառյալ մայրական մահացության և մանկաբարձական խուզակի բարձր ցուցանիշները:

Զեկույցում հատուկ ուշադրություն է դարձվում մինչև 14...

12 օգոստոսի 2013 - Մամլո հաղորդագրություններ

ՄԱԿ-ի Բնակչության հիմնադրամը և ՄԱԿ-ի Փախստականների հարցերով գերագույն հանձնակատարի գրասենյակը խոսեցին աշխարհում և Հայաստանում երիտասարդների միգրացիայի և երիտասարդ փախստականների խնդիրների մասին

Երևան, 12-ը օգոստոսի, 2013 թ.: Այսօր ՄԱԿ-ի երևանյան գրասենյակում տեղի ունեցավ ՄԱԿ-ի Բնակչության հիմնադրամի (ՄԱԲՀ) և ՄԱԿ-ի Փախստականների հարցերով գերագույն հանձնակատարի (ՄԱԿ ՓԳՀ) գրասենյակի համատեղ ասուլիսը՝ նվիրված Երիտասարդության համաշխարհային օրվան: Այս տարի ողջ աշխարհում այն անցնում է «Երիտասարդների միգրացիա. առաջ մղելով զարգացումը» կարգախոսի ներքո:

Բանախոսները՝ ՄԱԲՀ հայաստանյան գրասենյակի գործադիր ներկայացուցիչ Գարիկ Հայրապետյանը և ՄԱԿ ՓԳՀ գրասենյակի արտաքին կապերի և հասարակական տեղեկատվության համակարգող Անահիտ Հայրապետյանը, անդրադարձան Հայաստանում և, ընդհանրապես, աշխարհում երիտասարդների միգրացիային, ինչպես նաև փախստական երիտասարդներին առնչվող խնդիրներին: Ներկաներին ողջույնի խոսք հղեց նաև ՄԱԿ ՓԳՀ հայաստանյան ներկայացուցչության...

2 մայիսի 2013 - Մամլո հաղորդագրություններ

ՄԱԿ-ի Բնակչության հիմնադրամը ներակայացրեց «Նորածինների սեռերի անհամամասնությունը Հայաստանում. ժողովրդագրական տվյալներ եվ վերլուծություն» ուսումնասիրության արդյունքները

Երևան, 2-ը մայիսի, 2013 թ.: Այսօր ՄԱԿ-ի Բնակչության հիմնադրամն (ՄԱԲՀ) անցկացրեց մամլո ասուլիս և համաժողով, որտեղ ներկայացրեց 2012-2013 թթ. «Նորածինների սեռերի անհամամասնությունը Հայաստանում. ժողովրդագրական տվյալներ եվ վերլուծություն» ուսումնասիրության արդյունքները: Ուսումնասիրության նպատակն էր խորքից դիտարկել նորածինների սեռերի համամասնության շեղումները Հայաստանում և կանխատեսումներ կատարել մեր երկրի համար հնարավոր հետևանքների առումով: Այն, ՄԱԲՀ պատվերով, իրականացրել է Փարիզի Բնակչության և զարգացման կենտրոնի Զարգացման հետազոտական ինստիտուտը ներկայացնող դ-ր Քրիստոֆ Գիլմոտոն:

Մամլո ասուլիսի բանախոսներն էին դ-ր Քրիստոֆ Գիլմոտոն, ՄԱԲՀ հայաստանյան, վրաստանյան և ադրբեջանական գրասենյակների տնօրեն դ-ր Զահիդուլ Հյուքը և ՄԱԲՀ հայաստանյան գրասենյակի գործադիր ներկայացուցիչ Գարիկ...

9 ապրիլի 2013 - Մամլո հաղորդագրություններ

ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ

ՄԱԿ-ը և իր հայաստանյան գործընկերները նշում են մինչև 2015 թ.՝ Հազարամյակի զարգացման նպատակների վերջնաժամկետը մնացած 1000 օրվա մեկնարկը

Երևան, ապրիլի 9, 2013 – ՄԱԿ-ի հայաստանյան գրասենյակը և իր գործընկերները նշեցին մինչև 2015 թ.՝ Հազարմայակի զարգացման նպատակների (ՀԶՆ) իրագործման համար սահմանված վերջնաժամկետը մնացած 1000 օրվա մեկնարկը: Սկսած ապրիլի 5-ից ՄԱԿ-ն ամբողջ աշխարհի իր գործընկերների հետ կձգտի խթանել գործողությունները՝ մինչև 2015 թ. վերջնաժամկետն ավելի մեծ արդյունքներ արձանագրելու նպատակով:

Սահմանված լինելով 2000 թվականին՝ ՀԶՆ-ները հսկայական դրական փոփոխություններ են արձանագրել՝ նպաստելով համաշխարհային և ազգային առաջնահերթությունների սահմանմանը և զարկ տալով տեղերում գործողությունների իրականացմանը: Ութ՝ հստակ ժամկետով սահմանափակված ՀԶՆ-ներն ուղղված են աղքատության և սովի, կրթության, գենդերային հավասարության, մանկական մահացության, մայրական առողջության, ՁԻԱՀ-ի, մալարիայի և այլ...

14 նոյեմբերի 2012 - Մամլո հաղորդագրություններ

Ըստ զեկույցի, ընտանիքի խելամիտ պլանավորմամբ կարելի է նվազեցնել աբորտների թիվը, մայրական մահացությունն ու կանխել անպտղությունը

Երևան, 14-ը նոյեմբերի, 2012 թ.:  Այսօր ՄԱԿ-ի Բնակչության հիմնադրամը հրապարակեց իր «Աշխարհի բնակչությունը» 2012 թ. զեկույցը, որն այս տարի նվիրված էր ընտանիքի պլանավորմանը, որը կարող է օգնել նվազեցնել աբորտներն ու մայրական մահացությունը:

Եթե ողջ աշխարհում բավարարվի բեղմնականխման միջոցների պահանջարկը,  ապա մեկ տարվա ընթացքում կատարվող աբորտների թիվը կկրճատվի 26 միլիոնով: Արևելյան Եվրոպայում հղիությունների 48% -ն անցանկալի է, և դրանց ճնշող մեծամասնությունը՝ 79%-ն ավարտվում է հղիության արհեստական ընդհատմամբ:

«... Կան ծանրակշիռ ապացույցներ, որ բեղմնականխման ժամանակակից միջոցների աճող օգտագործման դեպքում նվազում է աբորտների թիվը (Westoff, 2008): Օրինակ` 1991-2001 թթ. Ռուսաստանի Դաշնությունում ներարգանդային պարույրների ու բեղմնականխիչ հաբերի գործածության 74% աճին զուգընթաց, 61%-ով կրճատվեց աբորտների թիվը, որը...

11 հոկտեմբերի 2012 - Մամլո հաղորդագրություններ

HQ/2012/19
11 հոկտեմբերի 2012 թ.

ԱՌԱՋԻԿԱ ՏԱՍՆԱՄՅԱԿՈՒՄ 142 ՄԻԼԻՈՆ ԱՂՋԻԿՆԵՐ ԿԱՐՈՂ ԵՆ ԱՄՈՒՍՆԱՆԱԼ ՄԻՆՉԵՎ 18 ՏԱՐԵԿԱՆԸ. ԶԳՈՒՇԱՑՆՈՒՄ Է ՄԱԿ-Ի ՆՈՐ ԶԵԿՈՒՅՑԸ

Չնայած այդ երևույթը նվազեցնելու ջանքերին, ըստ զեկույցի, երեխաների ամուսնության հաճախականությունը վերջին տասնամյակում մնացել է նույնը

•    Եթե ներկա միտումները շարունակվեն, ապա մինչև 2030 թ.-ն յուրաքանչյուր տարի ամուսնացող մանկահասակ հարսնացուների թիվը 2010 թ.-ի 14.2 մլն-ից հասած կլինի 15.1 մլն-ի՝ աճելով ավելի քան 14%-ով:

•    Զարգացող երկրներում (բացառությամբ Չինաստանի) ամեն երեք աղջկանից մեկը ամուսնական դաշինք կմտնի մինչև 18 տարեկանը:

ՄԻԱՎՈՐՎԱԾ ԱԶԳԵՐԻ ԿԱԶՄԱԿԵՐՊՈՒԹՅՈՒՆ, Նյու Յորք, 11-ը հոկտեմբերի, 2012 թ.: Եթե ընթացիկ միտումները շարունակվեն, առաջիկա տասնամյակում մանկահասակ աղջիկների ամուսնությունների թիվը կարող է կտրուկ աճել՝ նշվում է «Չափազանց վաղաժամ ամուսնություններ. վերջ դնել երեխաների ամուսնությանը» վերնագրված զեկույցում, որը...

1 հոկտեմբերի 2012 - Մամլո հաղորդագրություններ

Աշխարհի 60-ն անց բնակչությունն ընդամենը մեկ տասնամյակում կհատի 1 միլիարդի սահմանը. 2050 թ.-ին Հայաստանում գրեթե ամեն երրորդը կլինի 60 և բարձր տարիքի

Երևան, 1-ը հոկտեմբերի, 2012 թ.: Այսօր, Տարեցների միջազգային օրը, «Հենարան» մամուլի ակումբում ՄԱԿ-ի Բնակչության հիմնադրամի (ՄԱԲՀ) հայաստանյան գրասենյակը և ՀՀ աշխատանքի և սոցիալական հարցերի նախարարությունն անցկացրեցին մամլո ասուլիս՝ նվիրված աշխարհում և, մասնավորապես, Հայաստանում ծերացման հիմնախնդրին: Այդ առիթով լրագրողներին ներկայացվեց ՄԱԲՀ-ի և «ՀելփԷյջ Ինթերնեյշընըլ»-ի իրականացրած վերջին հետազոտությունը՝ վերնագրված «Ծերացումը 21-րդ դարում. տոնելու առիթ և մարտահրավեր»:

Ըստ հետազոտության զեկույցի, տարեցների թիվն աճում է ավելի արագ, քան որևէ այլ տարիքային խումբ. աշխարհի 60-ն անց բնակչությունն ընդամենը մեկ տասնամյակում կհատի 1 միլիարդի սահմանը՝ աճելով գրեթե 200 մլն-ով: Զեկույցն ընդգծում է, որ թեև մեծ թվով տարեցներ ունեցող հասարակությունների միտումը տոնելու առիթ է կյանքի տևողության երկարացման առումով,...

11 հուլիսի 2012 - Մամլո հաղորդագրություններ

Ծրագրում՝ հետազոտության ներկայացում և գիրք-նախագծի շնորհանդես

Երևան, 11-ը հուլիսի, 2012 թ.: Այսօր, «Բեստ Վեստեռն Կոնգրես» հյուրանոցի մեծ շքասրահում, ՄԱԿ-ի Բնակչության հիմնադրամի (ՄԱԲՀ) հայաստանյան գրասենյակն անցկացրեց միջոցառում՝ նվիրված 2012 թ. Բնակչության համաշխարհային օրվան: Մասնակիցների թվում էին ՀՀ կառավարության, միջազգային և հասարակական կազմակերպությունների ու զանգվածային լրատվամիջոցների ներկայացուցիչներ, ինչպես նաև առնվազն մեկ երիտասարդ, տաղանդավոր լուսանկարիչ և «Նա/Նե 2011» մրցույթի հայտատու հեղինակ-լրագրողներ:

Միջոցառման բացմանը ներկաներին ողջունեց ՄԱԲՀ հայաստանյան գրասենյակի գործադիր ներկայացուցիչ Գարիկ Հայրապետյանը:

Ողջույնի խոսքին հետևեց «Կորսված հավասարակշռություն. արու զավակի նախընտրությունը Հայաստանում» գիրք-նախագծի շնորհանդեսը: Գիրքը ներառում է երկու բաղադրիչ. առաջինը 2011 թ. «Նա/Նե» լրագրողական մրցույթին ներկայացված այն հոդվածներն են, որոնք առնչվում էին Հայաստանում հղիության սեռով պայմանավորված...

19 դեկտեմբերի 2011 - Մամլո հաղորդագրություններ

ՄԱԿ-ի Բնակչության հիմնադրամը ներակայացրեց «Սեռով պայմանավորված հղիության արհեստական ընդհատումների տարածվածությունն ու պատճառները Հայաստանում» զեկույցը

Երևան, 19-ը դեկտեմբերի, 2011 թ.: Այսօր, «Հենարան» մամուլի ակումբում, տեղի ունեցավ մամլո ասուլիս, որտեղ Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի տնօրեն, ՀՀ ԱՆ գլխավոր մանկաբարձ-գինեկոլոգ պրոֆեսոր Ռազմիկ Աբրահամյանը և ՄԱԿ-ի Բնակչության հիմնադրամի հայաստանյան գրասենյակի գործադիր ներկայացուցիչ Գարիկ Հայրապետյանը ներակայացրեցին «Սեռով պայմանավորված հղիության արհեստական ընդհատումների տարածվածությունն ու պատճառները Հայաստանում» զեկույցը:

Ինչպես նշեցին բանախոսները, զեկույցը պարունակում է ինչպես դրական, այնպես էլ մտահոգիչ եզրակացություններ: Մասնավորապես, հետազոտության մեջ ընդգրկված կանանց մեծամասնությունը երեխա ունենալ սկսել է բարենպաստ վերարտադրողական տարիքում` 19-ից 35 տարեկանում, ինչը շատ կարևոր է առողջ մայրության համար:...