Երևան, 9-ը դեկտեմբերի, 2011 թ.: Այսօր, ՄԱԿ-ի հայաստանյան գրասենյակում, ՄԱԿ-ի Բնակչության հիմնադրամը (ՄԱԲՀ) և «ՊրոՄեդիա-Գենդեր» հասարակական կազմակերպությունը, 2011 թ. «Ընդդեմ գենդերային բռնության ակտիվության 16-օրյակ» քարոզարշավի շրջանակներում, ներկայացրեցին «Կնոջ կերպարը հայ մամուլում» հետազոտության արդյունքները:

Ներկայացման բանախոսներն էին ՄԱԲՀ հայաստանյան գրասենյակի գործադիր ներկայացուցիչ Գարիկ Հայրապետյանը, «ՊրոՄեդիա-Գենդեր» հասարակական կազմակերպության նախագահ Թամարա Հովնաթանյանը և միևնույն կազմակերպության փորձագետ Լիլիթ Զաքարյանը, ինչպես նաև ՄԱԲՀ «Ընդդեմ գենդերային բռնության ակտիվության 16-օրյակ» քարոզարշավի համակարգող Ջինա Սարգիզովան:

Ինչպես նշեցին բանախոսները, հետազոտությունն իրականացրել էր «ՊրոՄեդիա-Գենդեր» հասարակական կազմակերպությունը՝ ՄԱԲՀ աջակցությամբ: Այն նպատակ ուներ ուսումնասիրել հայաստանյան ԶԼՄ-ներում կնոջ կերպարի ներկայացումը՝ կնոջ զբաղեցրած տեղի և դերի վերաբերյալ կարծրատիպային մոտեցումները հաղթահարելու առումով:

Հետազոտության...

ՄԱԿ-ի տվյալներով, ս.թ. հոկտեմբերի 31-ին աշխարհի բնակչությունը հատում է 7 միլիարդի սահմանը

Արթիկ, 31-ը հոկտեմբերի, 2011 թ.: Այսօր Արթիկի Մոր և մանկան առողջության պահպանման կենտրոնում նշվեց «7 միլիարդի օրը»՝ խորհրդանշական 7 միլիարդերորդ մանկիկի ծնունդը: Տոնակատարությունը նախաձեռնել էին ՄԱԿ-ի Բնակչության հիմնադրամի հայաստանյան գրասենյակը և Վերարտադրողական առողջության, պերինատոլոգիայի, մանկաբարձության և գինեկոլոգիայի ինստիտուտը: Միջոցառմանը մասնակցում էին նաև Արթիկի քաղաքապետարանի, Շիրակի մարզպետարանի առողջապահության վարչության, Հայ Առաքելական Եկեղեցու ներակայացուցիչներ, լրագրողներ և պարզապես արթիկցիներ:

Եվ այսպես, խորհրդանշական 7 միլիարդերորդ մանկիկը Վահրամ Ոսկանյանն է, ծնված 2011 թ. հոկտեմբերի 31-ին, ժամը 00:20-ին, 2 կգ 900 գրամ քաշով և 50 սմ հասակով: Երեխայի մայրիկը տնային տնտեսուհի է, իսկ հայրիկը հիմնականում զբաղվում է արտագնա աշխատանքով:

Համաձայն Միավորված ազգերի կազմակերպության հաշվարկների՝ աշխարհի...

Մամլո ասուլիս ժողովրդագրության ոլորտում համաշխարհային մեծության փորձագետների և ՄԱԿ-ի Բնակչության հիմնադրամի մասնակցությամբ

Երևան, 19 հոկտեմբերի, 2011 թ.: Այսօր Երևանի «Կոնգրես» հյուրանոցում տեղի ունեցավ մամլո ասուլիս՝ նվիրված ՄԱԿ-ի Բնակչության հիմնադրամի (ՄԱԲՀ) Արևելյան Եվրոպայի և Կենտրոնական Ասիայի տարածաշրջանային գրասենյակի կողմից, Մարդկային զարգացման միջազգային կենտրոնի աջակցությամբ, նույն օրը մեկնարկած «7 միլիարդ. հավասարակշռություն, իրավունքներ և հավասար հնարավորություններ» տարածաշրջանային փորձագիտական եռօրյա համաժողովին, որն անդրադառնում է տարածաշրջանի համար այնպիսի հրատապ ժողովրդագրական խնդիրների, ինչպիսիք են ծնելիությունը, միգրացիան, ծերացումը և մահացությունը:

Ասուլիսին ներկա էին Մոսկվայի Տնտեսագիտության բարձրագույն դպրոցի Ժողովրդագրության ինստիտուտի տնօրեն Անատոլի Վիշնևսկին, Ուկրաինայի Գիտությունների ակադեմիայի Ժողովրդագրության և սոցիալական հետազոտությունների ինստիտուտի տնօրեն Էլլա Լիբանովան, ինչպես նաև ՄԱԲՀ Արևելյան Եվրոպայի և...

Առանց հավելյալ 112,000 մանկաբարձների, հարցված 58 երկրներից 38-ը չի կարող ապահովել Հազարամյակի զարգացման 5-րդ նպատակի նախատեսված ցուցանիշները 

Ժնև / Դուրբան, Հարավաֆրիկյան Հանրապետություն, 20 հունիսի 2011 թ.: Յուրաքանչյուր տարի աշխարհի 58 զարգացող երկրներում կարելի է խուսափել մինչև 3.6 միլիոն մահերից, եթե մինչև 2015 թ. բարելավվի մանկաբարձական խնամքը, - ասվում է ՄԱԿ-ի Բնակչության հիմնադրամի հրապարակած նոր ծավալուն զեկույցում:

«Մանկաբարձներն աշխարհում 2011» զեկույցը, որը հրապարակվել է Հարավաֆրիկյան Հանրապետության Դուրբան քաղաքում մեկնարկած Մանկաբարձների միջազգային կոնֆեդերացիայի (ՄՄԿ) համաժողովում, նոր տվյալներով հաստատում է, որ նշանակալի ճեղքվածք է առկա գործող մանկաբարձների թվի և մանկաբարձների այն թվի միջև, որն անհրաժեշտ է մարդկային կյանքերը փրկելու համար:

«Որպեսզի յուրաքանչյուր կին իր նորածնի հետ հնարավորություն ունենա օգտվելու որակյալ մանկաբարձական խնամքից, մենք պետք է տեսանելի քայլեր կատարենք՝ ընդլայնելու...